Odne lea sisaváldin joatkkaskuvllaide Finnmárkkus gárvvis. Vástidanáigemearri lea suoidnemánu 16.beaivvi.
Odne lea sisaváldin joatkkaskuvllaide Finnmárkkus gárvvis. Vástidanáigemearri lea suoidnemánu 16.beaivvi.
Ohccit geain lea nuoraidriekti leat ožžon vástádusa skuvlasaji birra, ja maiddái dán jagi lea vuosttaš sisaváldimis ovddimusas sii geain lea ain nuoraidriekti, dat sisttisdoallá sin geat eai leat vel geavahan iežas golbma jagi rievtti joatkkaskuvla ohppui.
Eará ohccit váldojit mielde nuppi sisaváldimii, mii lea suoidnemánu 21.beaivvi.
2975 ohcci ožžon fálaldaga
2975 ohcci leat ožžon fálaldaga skuvlasadjái vuosttaš sisaváldimis, dain leat 2771:s ožžon fálaldaga fylkasuohkan joatkkaskuvllaide ja 204:s sámi joatkkaskuvllaide. Buohtastahttojuvvon diimmá loguiguin, de lea lohku njiedjan 78 ohppiin. Njiedjan lea lunddolaš go dán giđa ledje birrasii 100 unnit oahppi geargan vuođđoskuvllas.
Guhkimus vuordinlisttut leat Jo3 Studerengelbbolašvuođa lasáhus kursii, go dál leat eanet ohcciin rievttit dán fálaldahkii. Dasa lea sivva láhkarievdadus mii addá sidjiide geat leat váldán fágareivve 2013:s dahje maŋŋel ja leat ain vuollel 25 jagi, rievtti ohcat studerengelbbolašvuhtii maŋŋel čađahuvvon fágareivve.
Vuordinlisttut stuorámus skuvllain Álttás, Girkonjárggas ja Hámmárfeasttas leat earenomáš guhkit.
Áigemearri vástidit fálaldahkii lea suoidnemánu 16.beaivvi. Ohccit geat eai leat registreren vástádusa, masset fálaldaga oažžut saji. Go vuosttaš sisaváldin lea nohkan, de dahkko ođđa sisaváldin ja ohccit geat leat vuordinlisttut sáhttet de oažžut fálaldaga saji bajit sávaldahkii dahje boahtit badjelii vuordinlisttus. Dál lea deháleamos vástidit fálaldaga.
