-Almmuhus-
-Almmuhus-
VALÁŠTALLANSis-Finn­márkku dievdo­čiekčit vuole­musas goabbat divi­šuvnnas

Sis-Finn­márkku dievdo­čiekčit vuole­musas goabbat divi­šuvnnas

-

-

Sis-Finnmárkku dievdojoavkkuiguin spábbačiekčamis ii mana dál nu bures.

Go moadde čiekčamat leat čađahuvvon Finnmárkku 4. divišuvnnas ja Finnmárkku 5. divišuvnna ossodat 3 oarjjabealis, de leat Sis-Finnmárkku dievdooavkkut, IL Nordlys ja Guovdageainnu falástallansearvi, vuoittáhallan buot čiekčamiid ja leat vuolemusas goabbat divišuvnnas.

IL Nordlys lea čiekčan golbma čiekčama, ja leat vuoittáhallan buot golmma čiekčamis. Vuosttaš čiekčan lei Girkonjárgga vuostá, ja sii vuoittáhalle 1-6 Girkonjárggas. Nubbi čiekčan lei fas Kárášjogas Porsáŋggu vuostá, man IL Nordlys vuoittáhalai maid 1-6. Maŋemus čiekčan lei miessemánu 7. beaivvi Honnesvágis. Doppe vuoittáhalai IL Nordlys 3-4. Dat mielddisbuktá sis eai leat vuos čuoggát dán rádjái.

Guovdageainnu falástallansearvvi dievdojoavku leat fas guokte čiekčama čađahan. Vuosttaš čiekčan lei Álttá joavkku, Nerskogen IL, vuostá. Doppe vuoittáhalle 0-8. Nubbi čiekčan lei Bossogohpi 2 vuostá Bákteváris. Dan čiekčamis vuoittáhalai Guovdageainnu joavku 0-7. Nu sii eai leat nagodan vuoitit čuoggáid vel dán jagi čiekčamis.

Nu Guovdageainnu spábbačiekčanjoavku lea vuoittáhallan goappašat čiekčamiin eaige leat dan guovtti čiekčamis oba moala ge coggalan. IL Nordlys eai ge leat vuoitán vuos čuoggáid. Ribahan leat 16 moala golmma čiekčamis, ja ieža leat coggalan vihtta moala.

-Almmuhus-