-Almmuhus-
SMÁVVAOĐĐASATSis-Finn­márkku covid-19 dilli

Sis-Finn­márkku covid-19 dilli

-

-

Sis-Finnmárkku gielddat dieđihit gielddasiidduin ahte covid-19 njoammudávda lei ovtta olbmui njommon Deanus maŋimuš jándora. Kárášjoga gielddas ja Guovdageainnu suohkanis ii oktage.

Kárášjoga gielda dieđiha gielddasiiddus skábmamánu 25. beaivvi mo covid-19 njoammudávdda dilli lea Kárášjogas. Oktiibuot leat golbma olbmo erremis, muhto ii oktii ge njommon maŋimuš jándora. Oktiibuot leamaš gielddas 82 njoammuma skábmamánu vuosttaš beaivvi rájes ja dál lea 79 olbmo beassan erremis. 

Deanu gieldda dilli

Deanu gielda dieđiha gielddasiiddus skábmamánu 25. beaivvi duođaštuvvui PCR-iskama bokte ahte ovtta olbmui lei covid-19 njommon. Oktiibuot leat golbma olbmo dál erremis Deanu gielddas.

Guovdageainnu suohkana dilli

Guovdageaidnu suohkan dieđiha gielddasiiddus skábmamánu 25. beaivvi tiibmu 19.27 ahte maŋimuš jándoris ii leat duođaštuvvon oktii ge njommon covid-19. Vihtta olbmo lea dál erremis.

-Almmuhus-