Gaskavahkku álge fas bargat gávpotsirdimiin Gironis. Máŋga duhát viesu galget jávkaduvvot dahje sirdot eret dálá guovddážis ovdal jagi 2030.
Gironis leat olles leahtuin bargame gávpotsirdimiin. Visttit main lea alla kulturhistorjjálaš árvu, sirdojuvvojit Girona ođđa gávpotguovddážii. Gaskavahkku sirde ovtta dain 41 kulturvisttis ođđa gávpotguovddážii.
Ollu viesut mat dál sirdojuvvojit, ledje dat viesut mat huksejuvvojedje vuosttažin Girona guovddážii birrasiid jagi 1900-logus, čállá NSD.
Gávpogis leat šaddan váldit vulos šilttaid ja sahet eret muoraid mat leat luoddaguorain, vai guorbmevuoján čáhká meattá. Sirdimiin árvvoštallet ádjánit diimmu. Guorbmebiila vuodjá 5 km/d.
– Mii leat plánen sirdit ovtta viesu beaivái, ja bargat dán vuoru vahkku dainna. Jus dálkkit rivdet, de fertet rievdadit plánaid, muhto dál goit orru manname bures, dadjá LKAB gulahallandirektevra Fredrik Björkenwall NSD:ai.
