-Almmuhus-
-Almmuhus-
OĐĐASAT Sirdet guovžža ja čivggaid eret guohtun­eatnamis

Sirdet guovžža ja čivggaid eret guohtun­eatnamis

-

-

Dálkkádat- ja birasdepartemeanta ii atte lobi báhčit guovžža oktan čivggaiguin Beardu suohkanis. Dál baicce sirdet daid. 

Stáhta Luonddubearráigeahčču lea dan sadjái ožžon barggu sirdit guovžža ja čivggaid eret guohtuneatnamis.

– Guovžanálli lea vuolábeale dan nállemihtu maid Stuorradiggi lea mearridan. Mii leat dan sivas hilgon ohcamuša goddit ovtta guovža ja dan guokte čivgga Beardus. Seammás háliidit mii hehttet ahte dat vahágahttet eambbo guohtuneliid. Danne mii áigut geahččalit sirdit guovžža ja čivggaid heivvolaš báikái, dadjá dálkkádat- ja birasministtar Sveinung Rotevatn preassadieđáhusas.

Guovža, mas leat guokte diimmáš čivgga, lea goddán olu sávzzaide mat leat guohtumis Beardu suohkanis. Guovllus vásihedje olu vahágiid guovžža dihte 2018 guohtunáigodagas. Dan sivas lea Dálkkádat- ja birasdepartemeanta addán barggu Birasdirektoráhttii sirdit guovža ja dan guokte čivgga eret guohtuneatnamis.

- Advertisement -
-Almmuhus-