-Almmuhus-
-Almmuhus-
-Almmuhus-
OĐĐASATSirde liigeruđaid Kárášjoga vuođđoealáhusaide

Sirde liigeruđaid Kárášjoga vuođđoealáhusaide

-

-

Kárášjoga gielddastivra mearridii sirdit 75 500 ruvdnosaš geavatkeahtes doarjaga dán jagáš vuođđoealáhusfondii.

Kárášjoga gielddastivra mearridii čoahkkimis 15.06.15 liigejuolludeami vuođđoealáhusfondii. 

Gaskaomiid ruovttoluottasirdima dihtii, čađatkeahtes prošeavttain 2015:s bázii 75 500 kruvnnu.

Dát ruđat ledje rievttimielde juolluduvvon prošeavttaide, muhto go dat eai leat čađahuvvon de dát ruđat sirdojuvvojit vuođđoealáhusfondii.

 

Ceavzilis ja gánnáhahtti

Ulbmil ealáhusfoanddain lea váikkuhit ceavzilis ja gánnáhahtti vuođđoealáhusa Kárášjoga gielddas.

– Vuoruhat ođđa doaimmaid mat lasihit rekruhttema, árvodahkama ja barggahusa vuođđoealáhusaide. Vuođđoealáhusain oaivvildat eanadoalu, boazodoalu ja meahcásteami, čállá gielda.

Foanddas sáhttet de vuođđoealáhusat ohcat doarjaga iešguđet doaimmaide.

 

Foandda njuolggadusaid ja eambo dieđuid gávnnat Kárášjoga gieldda ruovttusiiddus.

-Almmuhus-