-Almmuhus-
OĐĐASAT– Sirdde buot árvvolaš diŋggaid mat leat čáziid ja jogaid lahka

– Sirdde buot árvvolaš diŋggaid mat leat čáziid ja jogaid lahka

-

-

– Váikkuhusat sáhttet leat stuorrát jus olbmot eai ráhkkan stuora giđđadulvái, lohká suohkaninšenevra ja NITO várrepresideantta Kjetil Lein.

Mannan vahku čoaska ja garra dálkkit leat dagahan stuora dulvevára dán giđđii, ja NVE giđđadulveanalysat čájehit ahte sáhttá stuora dulvi šaddat sihke davvin ja máddin riikkas.

– Buot mearkkat čájehit ahte sihke priváhtaolbmot ja almmolaš ásahusat fertejit ráhkkanit dulvái, man geažil sáhttet stuora ávnnaslaš vahágat šaddat, lohká Lein.

– Dát boahtá das ahte lea olu muohta váriin, dasa lassiin go čoaska dálkkit leat dahkan ahte muohta lea ádjánan suddagoahtit. Boahttevaš vahkkuid vuordit lieggaset temperatuvrraid. Go suddagoahtá, de fertet beare ráhkkanit stuora dulvái. Oažžut beare sávvat ahte ii boađe arvi dasa lassin, lohká son.

Ávžžuha duođalaččat váldit

Son bivdá sihke priváhta olbmuid ja almmolaš ásahusaid ráhkkanit dulvái, jus ii leat vel dahkkon.

– Jus dulvi šaddá nu stuoris go ballat, de boahtá dahkat stuora vahágiid. Olbmot fertejit ráhkkanit dasa. Sirdde buot árvvolaš diŋggaid mat leat čáziid ja jogaid lahka. Iskka suohkaniinnát orut go don báikkis gos lea stuora dulve- ja uđasvárra ja daga maid fertet sihkkarastin dihte ruovttu, ávžžuha son

-Almmuhus-