Simmona Máhtte dahje Mattis S. Hætta beakkehii miehtá máilmmi go Sverre Kjelsbergain vuittiiga šuoŋain «Sámiid Ædnan» Norgga Melodi Grand Prix ja dasto olaheigga 16. saji Eurovision-finálas.
Diehtu Simmona Máhtte eret vádjoleami birra bođii skábmamánu ovccát beaivvi. Simmona Máhtte riegádii 15.03.1959 ja jámii buozalmasvuođa dihtii 63 jagi boarisin.
Son bajásšattai Mázes Guovdageainnu suohkanis, ja barggai neavttarin, earret eará «Guovdageainnu-stuimmit» guhkesfilmmas ja nuoraidráiddus «Hjerterått».
Lei NRK sápmi gii vuosttažin čálii ášši birra.
