-Almmuhus-
VALÁŠTALLANŠiitá cielahan Notodden čiekči homo:n

Šiitá cielahan Notodden čiekči homo:n

Journalista

-

-

Álttá spábbačiekči Håvard Nome cielahuvvui «jævla same« mii sámegillii lea sullii seamma go «neavrri sápmelaš», » ja sivahallojuvvo álggos Notodden čiekči gohčodan homo:n, dán šiitá son.

Ievttá 2. divišuvdna spábbačiekčan Álttá ja Notodden gaskka lea boktán reakšuvnnaid. Ovdalaš bottu bidjui Notodden čiekči Martin Holmen eret bánas go cielahii Álttá čiekči Håvard Nome «neavrri sápmelažžan».

 – Lei garra čiekčan ja Notodden-čiekči čuorvvui duopmárii ahte galgá oažžut friddjačievččasteami. Dalle mun gohččon su doallat njálmmi ja son de vástidii sullii ná: «Doala njálmmát, neavrri sápmelaš», muitala Nome Alta IF neahttasiidui.

 

Rasisma ii dohkkehuvvo

Duopmár gulai Martin Holmena cielus sániid, iige dohkkehan dáid. Notodden-čiekči oaččui rukses koarta ja gárttai guođđit spábbačiekčama. Álttá čiekčit leat ovdal maid cielahuvvon sámi duogáža geažil, dát ii leat Alta IF mielas dohkálaš.

 – Lea skárbbas go ain cielahuvvo sámevuođa geažil. Eat háliit nimmordit, ja áddet ahte spábbačiekčamis sáhttet goaikkehit fasttes cealkámušat, dát guoská maiddái iežamet čikčiide. Dattege galggašii sirre maid lea lohpi dadjat, rasisttalaš ja eará cealkámušat mat vealahit olbmuid eai galggaše dohkkehuvvot, cealká Alta IF.

 

– In cielahan homo:n

Maŋŋel čiekčama lea Notodden ja Martin Holmen šallosan dáhpáhusa, muhto celkojuvvo maiddái ahte Áltá-čiekči galgá leat Holmena gohčodan homo:n.

 – In leat goassege gohčodan su homo:n, mu mielas lea sakka unohas go dán čuoččuhit, lohká Håvard Nome.

 

Doarju Nome

Alta IF doarju iežaset čiekči ja deattuha ahte Håvard Nome váivašuvvá go čuoččuhuvvo ahte son lea cielahan nuppi čiekči.

 – Go duopmár vállje nuppi čiekčái addit rukses koarta, de dulkot dainna lágiin ahte lea gullan maid čiekčiguovttos leaba dadjan nuppi nubbái. Loahpa loahpas háliidit dadjat ahte lea máilmme buorre go Notodden ja sin čiekči leat šallosan cealkámuša, ja mii dieđusge sávvat ahte eat dárbbaš šat dákkárii vásihit, čállá Alta IF neahttasiiddustis.

-Almmuhus-