Olu sajiin vuhtto ahte leamaš pandemiija máilmmis, nu maiddái Sámemusea ja Badje-Sámi Luondduguovddáš Siiddas Anáris.
Logut maid sii dál almmuhit čájehit ahte gussiidlohku lea njiedjan 57 proseanttain 2019:i ektui. Dat mearkkaša ahte go sin čájáhusain fitne badjel 60 000 olbmo 2019:s, de eai leat mannan jagi fitnan eará 27 400 olbmo sin siidda.
Jus buohtastahttá 2020:in, de lea lohku njiedjan 30 proseanttain.
Loguin boahtá maid ovdan makkár guovllu olbmot fitnet Siiddas dál, dan ektui go movt ovdal pandemiija lei. 2019:s ledje dušše 39 proseantta sin gussiin suopmelaččat, 2021:s ledje 75 proseantta suopmelaččat.
Dat mearkkaša ahte eará riika olbmot eai bálljo fina šat Siiddas pandemiija geažil, ja dat diehttelasat lea danin go olbmot eai mátkkoš nu olu go ovdal.
