Sámemusea ja luondduguovddáš Siida rahpasa fas geassemánu vuosttaš beaivvi, ja lea maŋimuš jahki go Siida lea doaimmas.
Siidda sáhttá galledit nugo dábálaččat vel dán jagi ja gitta 2021 giđa rádjai.
Siida ávžžuha buohkaid dearvvašin boahtit ja doalahit gaskka eará olbmuide. Siiddas leat desifinserenbáikkit, ja sii čuvvot Dearvvašvuođa- ja buresveadjinlágádusa (THL) rávvagiid čorgemis.
Siida fállá earret eará čájáhusaid ja olgomusea, Siida Shop-gávppážis sáhttá gávppašit ja restoráŋŋas sáhttá gáfestallat.
Siida sávvá váimmolaš bures boahtima.
