– Dáruiduhttin sátni ii leat doarvái go galgá čilget vuoigatvuođaid rihkkuma sámiid vuostá, oaivvilda Gáldu direktevra Laila Susanne Vars.
– Dáruiduhttin sátni ii leat doarvái go galgá čilget vuoigatvuođaid rihkkuma sámiid vuostá, oaivvilda Gáldu direktevra Laila Susanne Vars.
Árran julevsámi guovddáš lágidii seminára ovttas Sámi našuvnnalaš gealboguovddáš – psykalaš dearvvasvuođasuddjen ja gárrendilledivššuin, gos fáddá lei dáruiduhttin ja dearvvašvuohta. Nu čállá NRK Sápmi.
– Livčče go buoret gohčodit dan kultuvrralaš álbmotgoddima? Jearai Laila Susanne Vars sátnevuorus.
Semináras ledje birrasiid 100 oasseváldi, ja lágiduvvui guovtti beaivvi badjel.
Dehálaš gullat unohisvuođaid birra
Girječálli ja professora UiT7Norgga Árktalaš Universitehtas Jens Ivar Nergård logaldalai, ja oaivvilda dehálažžan gullat unohisvuođaid birra maid olbmot leat vásihan.
– Ollugiin lea bahčá dovdu dan ovddas. Mun oaivvildan ahte livčče galgan leat juogalágan almmolaš dutkan dáruiduhttinpolitihka birra ja dan váikkuhusaid birra, lohká Nergård.
Roavva rihkkumat sámiid vuostá
Laila Susanne Vars lohká dáhpáhuvvan roavva rihkkumiid sámiid vuostá, ja čalmmustahttá man duođalaš dilli rievtti mielde lei.
– Sii válde eret mánáid, olbmot masse gullevašvuođa, kultuvrra ja iežaset giela. Mun háliidan digaštallama gávdno go buoret sátni go dáruiduhttin, loahpaha Vars. Nu čállá NRK Sápmi.
