Nilut Cupa čiekčamiid oktavuođas Báktehárjjis Guovdageainnus válljejuvvojedje buoremus čiekčit ja vuosttaš háve maid válljejuvvui buoremus duopmár. Geat dat šadde? Oainnát filmmas. GEAHČA FILMMA
Nilut Cupa čiekčamat álge mannan bearjadaga ja loahppačiekčamat, sotnabeaivvi skábmamánu 15. beaivvi. Čiekčamiid loahpaheami oktavuođas válljejuvvoojedje buoremus čiekčit, buoremus moalladahkkit ja vuosttaš háve maid vállejuvvui čiekčamiid buoremus duopmár.
Čiekčit, geat leat čiekčan Nilut Cupas, jienasteami bokte válljejedje buoremus duopmára. Buoremus čikčiid válljii čiegus jury bokte no mo čállet iežaset neahttasiiddus Nilut Cupa lágideaddjit.
Maiddái geigejuvvojedje vuoittut golmma buoremus dievdojovkui ja nissonjovkui.
Dat leat buoremusat
Buoremus duopmárin šattai John Magnus Nergård.
Buoremus nissončiekčin šattai Ann Solbritt Logje BUL Doser joavkkus.
Buoremus dievdočiekčin šattai Ruben Kristiansen Team Nilut joavkkus.
Buoremus nissoniid moalladahkkin šattai Elin Beate Løvstad (14 moala) PSG joavkkus.
Buoremus dievdduid moalladahkkin šattai Vegard Båtnes Braaten (13 moala) Team Nilut joavkkus.
FINÁLAT
Dievdofinála vuittii Team Nilut joavku Team Skånland joavkku vuostá 4-0.
Dievdočiekčamiin bronsafinála vuittii Nagirváre Lunttat joavku Johansen’s Utvalgte joavkku vuostá 2-1.
Dán jagáš Nilut Cupa nissonfinála vuittii PSG joavku BUL Doser joavkku vuostá 4-1.
Nissončiekčamiid bronsafinála vuittii Goaldiggers joavku FC Köping joavkku vuostá 3-0.
Dát lei vuosttaš háve go čiekčamat ledje futsal málle mielde. Dán jagáš čiekčamiidda serve 19 dievdojoavkku ja gávcci nissonjoavkku.
