Arctic Race of Norway sihkkel lea joavdan Nordlándii, ja lea leamašan mielde sihke raftingas ja várrečohkaid alde.
Dan oktavuođas ahte leat vássán logi jagi vuosttaš Arctic Race of Norway gilvvus, leat buot gielddat ja suohkanat Norggas váldán badjelassii barggu fievrridit sihkkela Bindalas máddin Davvenjárgii davvin.
– Lea leamašan somá čuovvut sihkkela mátkki riikka čađa. Gielddat barget buori láhčinbarggu, ja olbmot geavahit olu áiggi fuobmát veaháš maid ge. Sihkkel lea leamašan mielde sihke várrečohkaid alde, raftingas, fitnodatgalledeamis ja galledan valáštallanjoavkkuid, ja lea ain eambbo maid vuordit, dadjá Knut-Eirik Dybdal.
Sihkkel galgá plána mielde joavdat Davvenjárgii borgemánu 20. beaivvi.
