-Almmuhus-
OĐĐASATSihkkelis galgá šleđggon ja čuovga

Sihkkelis galgá šleđggon ja čuovga

-

-

Jus sihkkelvuoddji rihkku lága, de sáhttá sáhkkohallat 1200 ruvnnuin.

Skábman galgá sihkkelis čuovga ja šleđggon sihke maŋábealde ja ovddabealde, čállá Stáhta geaidnodoaimmahat iežaset neahttasiiddus. Jus rihkku dán lága, de sáhttá sáhkkohallat 1200 ruvnnuin.

Sii čállet ahte sihkkellihkohisvuođat gevvet dávjjimusat go biilavuoddji ii leat čuovggahan olbmo sihkkela alde. Sihkkela mas ii leat šleđggon oaidná biilavuoddji easkka 40 mehtera ovdal, mii sáhttá dagahit lihkohisvuođa, eandalii jus leat gálja luottat.  

Dá leat čuovga- ja šleđggongáibádusat sihkkelii:

– Sihkkelis galgá fiskes dahje vilges čuovga ovddabealde, mii juogo šleađgu dahje čuovgá. Čuovga galgá oidnot, muhto ii ábut beare šearrat earáide.

– Sihkkela maŋábealde galgá juogo rukses čuovga dahje šleađgunčuovga. Guoská maid go sihkkel lea sihkkelluottas ja vázzinluottas.

– Čuovggat galget oidnot 300 mehteris. Čuovga mii šleađgu galgá šleađgut 120 háve juohke minuhta.

– Čuovggat galget sihkkelis gitta.

– Duolmmaniin galgá rukses šleđggon maŋábealde ja vilges dahje fiskes šleđggon goappaš gilggain.

-Almmuhus-