-Almmuhus-
-Almmuhus-
-Almmuhus-
OĐĐASATSihkkelastit sáhttet vearáskahttit johtolaga

Sihkkelastit sáhttet vearáskahttit johtolaga

-

-

Trygg Trafikk vuorjašuvvá go duođalaš lihkohisvuođalogut eai njieja, ja sihkkelastit geat jápme johtolatlihkohisvuođas dán jagi leat lassánan. Trygg Trafikk ballá johtolaga šaddat váddáseabbon sihkkelastiid dihte.

Dán rádjái leat 17 olbmo duššan johtolagas. Olbmot geat ledje vázzime dahje sihkkelastime. Diibmá dušše 12:s, ja Trygg Trafikk vuorjašuvvá ja ávžžuha olbmuid leat várrogassan johtolagas.

– Mii leat vuorjašuvvan vázziid ja sihkkelastiid dihte. Biilavuoddjit geat hohpohallet, eanet rávisolbmot geat sihkkelastet ja ollu ođđa skuvlamánát luottaid alde sáhttet dagahit bárttiid. Mii ávžžuhit olbmuid leat várrogassan go sihkkelastet ja vudjet biillain, dadjá Trygg Trafikk direktevra Jan Johansen.

 

Ovccis dain 17:s geat dušše johtolagas dán jagi ledje sihkkelastime. Diibmá ledje vihtta sihkkelasti geat dušše seamma áigodagas.

 

– Duođalaš dilli

Vaikko lea našunála mihttu ahte eambbogat galget álgit sihkkelastit ja vázzit vai biilageavaheapmi unnu, de čájehit Trygg Trafikk logut ahte lihkohisvuođalogut eai njieja.

– Dát lea hui duođalaš dilli ja balan ahte šaddá vearrábun go eambbosat álget vázzit ja sihkkelastit bargui ja skuvlii. Johtolat šaddá váddáseabbon, ja gáibida eanet mis buohkain, deattuha Johansen.

 

Stáda geaidnodoaimmahaga logut mat almmuhuvvojedje gaskavahkku, čájehit ahte 95 olbmo leat dán rádjái duššan johtolagas dán jagi. (©NTB)

-Almmuhus-