Politiijat leat mannan ija šaddan eanemusat bargat Hámmerfeasttas ja Álttás.
Áltá
Dii. 17:05 bođii Álttás diehtu ahte politiijat šadde gevret 40-jahkásaš albmá eret gávpotguovddážis, go lei juhkanvuođas rigereme gávppis. Almmái oaččui gohččuma ahte galgá lávvordat iđida rádjái bissut eret márkanis.
Dii. 3:29 fertejedje politiijat gevret muhtin albmá eret gávpotguovddážis go lei fasttit láhtten vávtta vuostá olgobáikkis.
Hámmerfeasta
Dii. 00:57 šadde politiijat Hámmerfeasttas doalvut muhtin juhkan albmá doaktára lusa maŋŋil go ii gárron vuolgit olggos olgobáikkis. Almmái ii áššaskuhtto.
Dii. 01:35 oidne Hámmerfeastta politiijat dievddu gii lei gožžame almmolaš báikkis. Politiijat gevrejedje albmá eret márkanis. Dás álggahit ášši.
Honnesváhki
Dii. 01:26 bođii Honnesvákkes diehtu ahte máŋggas ledje doarrán. Politiijat vulge báikái ja ságastalle guoktásiin geat leigga mielde doarrumiin. Ášši álggahuvvo.
Hesseng
Dii. 2:59 bođii diehtu ahte politiijat leat váldán ovtta olbmo gitta go lei sáhka doarruma birra. Okta olmmoš sáddejuvvui doaktára lusa. Politiijat dieđihit ahte dás álggahuvvo ášši.
Eai leat vuodján gárrenoaivvis
Sihke Guovdageainnus ja Hámmerfeasttas leat politiijat čađahan promilladárkkistemiid dán ija. Guovdageainnus bissehedje politiijat 4 biilavuoddji, ja Hámmerfeasttas ges 13 biilavuoddji. Politiijat dieđihit ahte ii oktage leat vuodján gárrenoaivvis.
