-Almmuhus-
OĐĐASATSiepmankvaliteahtta buorrána guliin

Siepmankvaliteahtta buorrána guliin

-

-

Guolleborran guovtte geardde vahkkui addá mearkkašahtti buoret siepmankvaliteahta, čájeha Dánskka dutkkus. Omega 3 addá siepmanseallaide buoret jođu.

Dán cealká professor ja váldodoavttir Ulla Breth Knudsen šattolašklinihkas Regionhospitalet Horsenis.

Ovttas guovtti mielbargiin lea Knudsen lađastallan 16 internationála dutkosiid main dutket oktavuođa guolleborramis ja siepmana kvaliteahtas.

Guolli buorre almmáiolbmuide

Eambbo guolli beaivválaččat sáhttá leat buorrin buot almmáiolbmuide, muhto erenoamážit jus leat šattolašváttisvuođat, ja de galggašii borrat luosa, dorski ja makrealla.

– Dál mis lea buorre ágga muitalit ahte oažžu buoret siepmankvaliteahta guoli borramis, ja lea stuorát vejolašvuohta páraide šaddat áhpeheapmin jus almmáiolmmoš borrá olu guoli.  Eaŋkil dutkosat čájehit maid ahte lea buoremusat jus sihke nisson- ja almmáiolmmoš borraba guoli, muitala Knudsen.

Jus ii liiko guollái, sáhttá maid borrat Omega 3-tableahtaid

(©NTB).

-Almmuhus-