-Almmuhus-
OĐĐASAT–Šiehtadallan eret sámi áššiid

–Šiehtadallan eret sámi áššiid

-

-

Bargiidbellodaga Vibeke Larsen lea behtohallan ráđđehusbellodagaide go eai doallan lohpádusaideaset sámi áššiid ektui stáhtabušeahtas.

Bargiidbellodaga parlamentáralaš jođiheaddji Sámedikkis Vibeke Larsen oaivvilda stáhtabušeahtašiehtadallamiin lea Olgeš, Ovddádusbellodat, Risttálaš álbmotbellodat ja Gurut bellodat šiehtadallan eret sámiid.

 – Ovdalaš bušeahttašiehtadallamiid lohpidii sihke Risttálaš álbmotbellodat ja Gurut čuollat sihke Sámeskuvlla Aarbortes, Beaivváš Sámi Teáhtera, bálká- ja haddegoarkŋuma Sámediggái ja eará sámi doaimmaid beali. Bohtosiid oaidnit dál: sámit leat šiehtadallon eret ja lohpádusat dáhkkon duššin, lohká Larsen.

 

Hávkadit

Larsen lohká ovttasbargobellodagat leat ovttaoaivilis hávkadit mátta sámi giela, go eai čájet dáhtu njulget dan dieđihuvvon heaittiheami máttasámi skuvllas.

 – Sii leat maid ovttaoaivilis ahte sámi museain galgá leahkit heajut eavttut go dáža museain, ja leat ovttaoaivilis sámiid giella ja kultuvra ovdánanvejolašvuođat galget gáržžiduvvot. Sii rámidit iežaset ja leat duhtavažžat go bidjet sámepolitihka maŋos guvlui.

 

Ain bargat garrasit

Larsen lohká dat lea šállošahtti, mu ii hirpmahahtti.

 – Signála lea šearus ja čielggas, mii ja boahttevaš buolvvat šaddat ain garrasit doarrut dan ovddas mii stuoraservvodahkii lea diehttelasvuohta. Norga lea huksejuvvon guovtti álbmoga eatnamii, norgalaččaid ja sámiid. Mis lea ain guhkes geaidnu ovdal dan cealkkagis lea sisdoallu mii maiddái vuhtiiváldá sámi servvodaga, lohká Vibeke Larsen.

 

 

 

-Almmuhus-