Dán jagá Sámi Grand Prix lávlunoasi vuittii Inger Marie Nilut. GEAHČA VIDEO:
«Min duovdagat» lea dán jagá Sámi Grand Prix vuoitolávlla.
– Lei vuordetmeahttun, muhto sávven gal dieđusge ahte vuoittán, logai vuoiti Inger Marie Nilut maŋŋil finála.
– Hui buorre dovdu, hui soma!
Ii šatta luopmu boahtte jagi
Son lohká ahte lei jurddašan boahtte jagi váldit luomu.
– Muhto dal go vuiten de gal ii šatta luopmu go beasan konseartta doallat boahtte jagi.
Dan lávllui Inger Marie Nilut guhte lea Guovdageainnus eret.
Son oassálasttii dál čihččet háve SGP-gilvvuin, ja vuittii dál nuppi háve lávlunoasi.
Ovddit háve vuittii fárrolaga Niko Valkeapääain 1994:s.
Juryovdaolmmoš Ingá Elise Påve Idivuoma dat almmuhii jurylahtuid jienaid ja vuoiti. Goalmmádin jienastuvvui Emilia Helander Olsen ja nubbin ges Jan Ole Hermansen ja Biret Margit Hætta Sara.
Ášši ođastuvvo dađistaga.