Sámi Musihkkafestivála lea almmuhan dál geat galget oassálastit Sámi Grand Prix lávlungilvvus beassášlávvordaga Guovdageainnus.
Sami Musihkkafestivála illuda almmuhit dán jagi Sami Grand Prix lávlunoasseváldit (preassadieđáhus):
-
Gajanas – «Áiggiid čađa»
Ohcejogan/Anáris, Suomas: Gájanas joavkku musihkkas ovttastuvvo luohti ja progressiivvalaš rock. Joavkku lea čuojahan ovttas jagi 2013 rájes ja musihkkajoavkku namma lea ovdal SGP gilvvu leamašan Out of the Woods. Joavkku miellahttut leat eret Anár ja Ohcejot guovlluin. Gilvvohallan bihttá, Áiggiid čađa, muitala das go guokte olbmo gavnnadeaba giđđaáigge. Njunuš lea Hilda Länsman, gii oassálastti Suoma Melodi Grand prix gilvvus.
-
Marit Susanne Utsi – “Vuolgu olggos”
Guovdageaidnu, Norggas: Dán lávlaga lea Mázelaš Issat Sámmol Hætta ráhkadan. Son ráhkadi dan lávlaga, ja ohcagođii lávlu, ja dalle son gávnnai Marit Susanne Utsi, gii lea hui oahpis Sámi Grand prix oktavuođas. Lávlagin beasaiga gitta finálii, mii lea beassášlávvordaga Guovdageainnus.
-
Axel Ánte – «Adriante»
Halden, Norggas: Lea Roy Alexander Lind gii iežas gohčoda Axel Ánten. Lind lea oahpis sámi musihkkabirrasin, ja maid muđui Norggas, progrockjoavkkuin Sagittarius. Son lea dan joavkkus njunuš ja rumbučuojaheaddji. Dán háve son galga lávlut. Lind Lea maid ovdal searvan SGPii.
-
Viddasprince – «Eallin»
Máze, Norggas: Goalmmádasoassi Duolva Duoddaris, Ivan Andre Skum, lea ieš ráhkadan iežas lávlaga. Su artistanama lea dál Viddasprince, dahje duoddaraprince. Son lea dán jagáš rap-lávlla SPGas, ja dalle oažžu rávvet ahte boađe geahččat su muhto muitte fal gáhppira doallat nannosit oaivvis.
-
Janne Eilen Mienna Guttorm – «Hervejuvvon majilbmi»
Romsa/Guovdageaidnu, Norggas: Janne Eilen Mienna Guttorm lea ovdal oassalasten SGPas, ja son šattai dalle nubbin 2008;s. Dál son lea fas searvan SGPii lávlagiin masa Rolf Erling Mienna lea ráhkadan šuoŋa, ja son ieš ja Mathis Mienna leaba čállán sániid.
-
Irdon – «Nástealmmi vuolde»
Anár, Suomas: Irdon lea Anára joavku, gos Oula Guttorm lea okta dain njunnošin. Guttorm lea ge vuoitán SGP joavkkuin Somby. Son lea ge maid dovddus čuojahit heavy rock vugiin gitárain, ja lea dovddus joavkkuin nu og Somby, Ailu Valle & Trio Boogiemen
Finála lea Báktehájjis, Guovdageainnus, beassášlávvordaga njukčamánu 26. Beaivvi diibmu 18.00
