-Almmuhus-
-Almmuhus-
-Almmuhus-
SMÁVVAOĐĐASATSG sámepolitihkalaš ráđđi doarju akšuvnnaid Nussirruvkke vuostá

SG sámepolitihkalaš ráđđi doarju akšuvnnaid Nussirruvkke vuostá

-

-

Sosialisttalaš Gurutbellodaga sámepolitihkalaš ráđđi doarju «Gájo Riehppovuona»-leairra ja daid akšuvnnaid maid lea álggahan Nussir-ruvkke vuostá dán vahkus. 

Sosialisttalaš Gurutbellodaga (SG) sámepolitihkalaš ráđi miellahttu Ragnhild Freng Dale muitala preassadieđáhusas ahte gaskavahkku, suoidnemánu 21. beaivvi, bissehedje “Gájo Riehpovuona” aktionisttat Nussir vuođđoiskamiid Markoppneset báikkis go lohkkadedje iežaset láhkkiiguin mašiinnaide. Sii hehttejedje barggu joatkimis. SG sámepolitihkalaš ráđi miellahtut ledje báikkis ja dorjo ákšonisttiid. 

– Lobit maid ruvke lea ožžon stáhtas, dasa eai leat sámi ealáhus- ja kulturbargit miehtan ovddalgihtiidieđihuvvon dieđuid vuođul, lohká SG sámepolitihkalaš ráđi miellahtu, Ragnhild Freng Dale gii lei gaskavahku Riehpovuonas Hámmerfeastta gielddas.  

– Mii leat dáppe čájeheamen ahte mii doarjut mearrasámiid ja boazodoalu geasa Nussir ruvkedoaimmat čuhcet, lohká son.

Protect Sápmi boazofágalaš analiisa cealká ahte Nussir ruvkedoaimmat ja eará sisabahkkemat mielddisbuktet stuora váikkuhusaid sihke Fiettar ja Fála orohaga johtingeainnuide ja guohtunguovlluide. Ii goabbáge orohat leat miehtan ovddalgihtiidieđihuvvon dieđuide. Fiettar orohat dieđihii suoidnemánu 22. beaivvi ahte sii váidet stáhta go lea addán lobi ruvkedoibmii. 

SG politihkalaš ráđđi váruha ahte leiket ruvkebázahusat merrii oažžu maid duođalaš váikkuhusaid sihke vutnii ja mearraealliide ja mearraealáhusaide. Áhpedutkaninstituhta dieđuid mielde mielddisbuvttášii ruvkebázahusaid nuoskkideapmi hirbmat duođalaš váikkuhusaid. Sihke Áhpedutkaninstituhta ja Guolástusdirektoráhta lea rávven ahte ii galgga addit lobi nuoskkidit vuona ruvkebázahusaiguin.

– Dát čájeha ahte Nussir-ruvkii ii livčče goassege galgan addit dákkár lobi. Mii doaivut akšuvnnat ja riektevuogálaš lávkkit bissehivčče dán barggu, nu ahte ceavzilis ja boahtte áigge bargosajit guolástusas ja boazodoalus vuoittášedje, lohká  Inga Marie Nymo Riseth gii oassálastá Markopp-ákšuvnnain SG sámepolitihkalaš ráđi ovddas dán geasi.

-Almmuhus-