-Almmuhus-
OĐĐASATSevdnjes áigi buktá ođđa hásta­lusaid korona­dilis

Sevdnjes áigi buktá ođđa hásta­lusaid korona­dilis

-

-

Koronalogut njidjet, muhto ođđa hástalusat čuožžilit. 

Hámmárfeasttas leat dál guokte olbmo dearvvašnuvvan ja beassan covid-19 dávddas. Dál leat 11 olbmo 33 olbmos beassan erremis, dadjá Hámmárfeastta suohkan sátnejođiheaddji  Marianne Sivertsen Næss preassačoahkkimis.

– Son maid muitalii ahte 22 olbmui lea dávda njommon, 16:s sis lea buohcceviesu bargit. 

– Njealjis leat sisačálihuvvon suohkana divššu vuollái. Golmmas sis gullet eará gielddaide. Dán njealljásis lea okta buohccevissui sisačálihuvvon.

– 63 olbmo leat ain Hámmárfeasttas erremis, dál lohku lea beliin njiedjan. 21:s sis leat buohcceviesu bargit. 

– Covid-19 Iskkusčađaheamit leat maid njiedjan, ikte iskojuvvojedje 47 olbmo. Dál lohku lea maid birrasii beliin njiedjan. 

– Dál leat buot buohcceviesu bargit iskojuvvon. 

Ii ávvut

Vaikke logut leat njiedjan ja Hámmárfeasttas leat njoammunlogut leat njiedjan, de Sivertsen Næss ii ávvut. Son logai sis leat buorre oppalašgovva dilis, muhto dattetge vurdet ahte logut sáhttet lassánit.

– Mii leat ráhkkanan dasa ahte sáhttet boahtit eanet njoammumat, dadjá Næss. 

Lossa áiggis lossa áigái

Suohkana bealis bidjagohtet fokusa psykososiálalaš beallái. 

– Dál leat ođđa koronanjuolggadusat boahtán ja mii leat sevdnjes áigái jođus. Lossa áigi. Dál fertet leat gearggus dan hástalusa dohppet. Ávžžuhan buohkaid čájehit beroštumi nubbái, dadjá son

-Almmuhus-