– Mii leat viimmat gergosat fas váldit Kárášjoga servodatviesu atnui maŋŋá go Kárášjoga boares gielddaviessu bulii, dieđiha Kárášjoga gielda.
Čakčamánu 6. beaivvi 2022 bulii Kárášjoga ovddeš gielddaviessu márkannjárggas. Buollima geažil gožuduvai servodatviessu, ii ge sáhttán dan šat geavahit.
– Dál lea servodatviessu buhtistuvvon ja dan sáhttá geavahišgoahtit fas, lohká Kárášjoga viesso- ja opmodatossodaga jođiheaddji Karl Teigen Kárášjoga gieldda neahttasiiddus.