Go Senjahopen lávke Riddu Riđu lávdái, de lohpida festiválajođiheaddji eallasa.
Go Senjahopen lávke Riddu Riđu lávdái, de lohpida festiválajođiheaddji eallasa.
Juohke jagi čuojaha muhtin Davvi-Norgga joavku Riddu Riđu festiválas Olmmáivákkis, Gáivuonas. Senjahopen boahtá Sáččás, Romssa fylkka fávllabealde. Dán guovllu ovddasta ge musihkkajoavku.
– Olbmot sáhttet illudit ealas jallodahkii. Senjahopen lávlu olbmuid ja guolásteami, eallima ja jápmima, feastta ja árgabeaivvi birra, sii lávlot fávllabeali eallima birra, lohká festiválajođiheaddji Karoline Trollvik preassadieđáhusas.
Guoimmuheaddji
Senjahopen čuojaha rock musihka ja lávlagat leat Sáččá suopmanii. Davvi-Norgga joavku lea dovddus guoimmuheaddji ja dadjo joavku čehpet čuojaha konseartalávddis.
– Riddu Riđđu bovde juohke jagi muhtin Davvi-Norgga joavkku festiválii. Min mielas lea Senjahopen albma showjoavku mii áibbas sihkkarit čuojaha ealaskonseartta, lohká Trollvik.
Senjahopen čuojaha lávvardateahkeda Riddu Riđus mii lágiduvvo suoidnemánu 8.-12. beaivái.
