Dál lea vássán 30 jagi dan rájes go Gáivuona suohkan searvvai sámegiela hálddašanguvlui.
Bearjadaga lei 30 jagi vássán dan rájes go Gáivuona suohkan searvvai sámegiela hálddašanguvlui. Dan oktavuođas lágidii suohkan seminára, gos ságastallui movt lea mannan maŋemuš 30 jagi ja movt galgá suohkan ain bargat viidáseappot nannen dihte sámegiela. Sámediggeráđđelahttu Mikkel Eskil Mikkelsen searvvai seminarii.
– Sámegiela hálddašanguovlu lea leamaš mielde čalmmustahttime ja ovdánahttime sámegiela. Lea leamaš mielde ealáskahttime sámegiela guovlluin gos giella lea leamaš jaskkodan, ja lea álggahan giela ealáskahttima ja ealáskahttimin, logai sámediggeráđđi Mikkel Eskil Mikkelsen (NSR). Dan čállá Sámediggi iežaset Facebook-siiddus.
