Soabadanráđiide leat maŋemus golmma jagis golmmageardánit lassánan áššit seksuálarihkusáššiid ektui.
Lea stuora lassáneapmi áššiin main lea seksualálaš sisdoallu mat ollejit soabadanráđiide.
2015:s ledje 77 ášši, 2016:s 158 ášši ja 2017:s fas 238 ášši, muitalit logut maid almmuhedje mánnodaga.
Eanemus veahkaválddálašvuođaáššit
Veagalváldin, seksualálaš loavkideapmi mat gusket mánáide, iežas álásvuođa čájehallat ja govaid juogadit neahtas mat leat álás olbmuin, leat stuorámus oassi áššiin mat gusket seksuálakriminalitehtii.
Veahkaválddálašvuođaáššit lea ain stuorimus oassi soabadanráđi áššiin go leat 1504 ášši mat gusket provoserekeahtes veahkaválddálašvuođat amas olbmuid gaskkas, gitta veahkaválddálašvuođat lagas birrasiin.
Heivehit soabadallančoahkkima
Maiddái vahágahttináššit leat lassánan 568 áššis 743 áššái maŋemus guovtti jagis. Áitimat, hárdin ja loavkidanáššit eai leat lassánan dahje njiedjan.
– Soabadanráđđi sáhttá heivehallat ságastallama sidjiide geat dárbbašit hupmat ovttas ja leat dohkkehan dakkár čoahkkima. Measta buot áššiin leat olbmot geain lea juogalágan oktavuohta ja gulahallan boahtteáiggis, muitala soabadanráđi direktevra Lise Sannerud.
Oktiibuot ledje 7718 ášši dan 22 soabadanráđis Norggas mannan jagi. Ovddit jagi ledje 7417 ášši. Dat njeallje proseantta lassáneapmi lea dan sivas go politiijat ja áššáskuhttit leat eanet áššiid sádden soabadallamii.
(©NTB)
