Eanet rabasvuohta ja fuomášupmi dán váttisvuhtii lea jáhkkimis sivvan go seksuála rohcošemiid dieđiheapmi lea lassánan 27 proseanttain 2016:s 2017 rádjái.
Eanet rabasvuohta ja fuomášupmi dán váttisvuhtii lea jáhkkimis sivvan go seksuála rohcošemiid dieđiheapmi lea lassánan 27 proseanttain 2016:s 2017 rádjái.
– Mun jáhkán ahte lea dan dihte go hubmo eanet rohcošemiid birra ja lea stuorát beroštupmi dasa mediain. Olbmot leat čeahpibut dieđihit ja muitalit, lohká jođiheaddji Cathrine Elholm guovddážis mii vuosttalda seksuála rohcošemiid, NRK:i.
Neahttarohcošeamit lassánan
Diibmá ledje 3504 olbmo registrerejuvvon dáin guovddážiin, mii lea 902 eanet go 2016:s, čájehit Mánáid-, nuoraid-, ja bearašdirektoráhta (Bufdir) logut.
Stuora oassi lassáneamis guoská rohcošemiide mat dáhpáhuvvet sosiála mediain ja eará sajiin interneahtas, muitala Elholm.
Politiijadirektoráhta logut duođaštit tendeanssa. Leat erenoamážit áššit mat gusket nehttii, mas gillájeaddji lea vuollel 14 jagi boaris, mii dahká ahte nu ollu lassánii lohku.
Vuosttaš kvartálas lei ge seksuála rihkkumiid lohku lassánan 21,3 proseantta.
(©NTB)
