-Almmuhus-
KULTUVRA Seastinbáŋku lea juolludan 1,4 miljovnna Várdobáikái

Seastinbáŋku lea juolludan 1,4 miljovnna Várdobáikái

-

-

Várdobáikki sámi guovddáš lea ožžon 1 451 000 kruvnnu Seastinbáŋku 1 Davvi-Norgga ruhtadoarjjaortnegis, Servodatloktemis.

Beaivválaš jođiheaddji Kjersti Myrnes Balto ja stivrrajođiheaddji Else Grete Broderstad leaba hui duhtavaččat doarjaga ovddas Servodatloktemis. 

– Juolludeapmi lea dehálaš doarjja, vai Várdobáiki sáhttá bissut čielga sámi guovddážin, mii sáhttá loktet sámi kultuvrra guovllus ja leahkit ofelaš ja doarjja eará sámi báikkiide guovllus, ealáskahttimiin sámegiela ja kultuvrra, čálliba Myrnes Balto ja Broderstad preassadieđáhusas.

Doarjja Servodatloktemis geavahuvvo bajásreidet ollislaš kulturarena sámi kulturhámiin sihke siskkobealde ja olggobealde Várdobáikki lanjaid Skániin.

 

Sámevuohta nanus, muhto ii nu oidnosis

– Sámi kultuvra lea nanus Nuorta-Norggas. Muhto muhtun báikkiin sámi kultuvrra ii leat leamaš oidnosis ii ge leat leamaš oassi almmolaččas ge.
Dat lea leamaš dilli márkosámi guovlluin ge, vaikko sámevuohta Skániin ja Evenáššiin álo lea leamaš čielggas, čilgeba Myrnes Balto ja Broderstad.

Soai muitaleaba ahte go kulturguovddáš lea gearggus, galgá dat leat bures oidnosis ja leat erenoamáš kulturhuonas, arena mii láhčá buori dili kulturipmárdussii ja gaskkusteapmái, gonnes ovttasbargu ja  kultuvrralaš oktavuođavuohki lea guovddáš elemeanta.

 

1000 kvm stuoru kulturarena

Várdobáiki sámi guovddážis leat dál 20 bargi, geat barget sámi mánáidgárddis, museas, gielain, dearvvašvuođain ja eará kulturdoaimmaiguin.

Várdobáiki ostii Evenskjersenteret jagi 2017 gonnes ovdal ledje rámbuvrrat. Huonas lea dal divuheami vuolde, kulturguovddáš kantuvrraiguin ja sullii 1000 kvm kulturarena geavaheddjiide ja álbmogii, gasku Skánit gili.

 

Várdobáiki sámi guovddáš

  • Várdobáiki sámi guovddáš ásahuvvui jagi 2002, priváhta olbmot , organisašuvnnat ja suohkanat leat oamasteaddjit. 
     
  • Guovddáš bargá nannet sámegiela, kultuvrra, ealáhusaid ja historjjá márkosámi guovllus Oarje-Romssas ja Nuorta-Nordlánddas.

 

 

- Advertisement -
-Almmuhus-