SeastinBáŋku 1 Davvi-Norga geahpeda viessoloana ja ealáhusloana reanttu 0,35 proseantačuoggáin ođđa ja dálá kundariidda. Seammás šaddá álkibun ohcat máŋgamannosaš oassemávssekeahtes vejolašvuođa.
Maŋŋel reantogeahpideami lea báŋku vuolimus viessoloatnareantu 2,50 proseantta, dieđiha SeastinBáŋku 1 Davvi-Norga sinpreassadieđáhusa bokte.
– Mii, SeastinBáŋku 1 Davvi-Norga, háliidat dahkat dan maid sáhttit dán váttes ja dorvvohis áiggis iežamet kundariidda. Reantogeahpideapmi lea okta doaibma mii veahkeha máŋgasiid, ja mii dahkat dál maiddái álkibun iežamet viessoloatnakundariidda maŋidit oassemávssu, dadjá persovdnamárkana konseardnadirektevra, Lasse Hagerupsen.
Veahkeha ealáhusa
Maiddái ealáhuskundariid loanaid reantu geahpiduvvo 0,35 proseantačuoggáin.
– Máŋgga fidnodahkii lea korona čuohcan, ja mis leat máŋga doaibmabiju mat sáhttet leat veahkin. Mii fertet gávdnat daid buoremus čovdosiid likviditehta hástalusain, ja ovdamearka dasa sáhttá leat gaskaboddosaš kredihtta dahje oassemávssu maŋideapmi. Dieđus ge mii eat sáhte addit makkár ge oppalaš dáhkádusaid, ja fertet digaštallat vejolašvuođaid iešguđet kundariin.
Min diehtu fitnodagaide lea ahte ehpet galgga mahkaluššat váldit oktavuođa minguin jus oaidnibehtet ahte dilálašvuohta lea hástaleaddjin. Mii leat dás vai veahkehit, dadjá ealáhuskonseardnadirektevra, Trude Glad.
Reantorievdademiid bohtet fápmui njukčamánu 23. beaivvi ođđa kundariidda ja miessemánu 4 .beaivvi dálá kundariidda.
