-Almmuhus-
OĐĐASATSearva Guovddáš­bellodaga Sámedikke­jovkui

Searva Guovddáš­bellodaga Sámedikke­jovkui

Journalista

-

-

Guovddášbellodaga parlamentáralaš jođiheaddji Cecilie Hansen lea hui movttet go bellodatjoavku stuorru Sámedikkis.

Tor Mikkola lea Guovddášbellodaga miellahttu, muhto ii leamašan bellodaga sámediggejoavkkus. Mikkola leamašan Nordkalottfolket áirras, muhto leamašan maŋemuš  áiggi sorjjasmeahttun áirrasin Sámedikkis.  

Guovddášbellodaga parlamentáralaš jođiheaddji Cecilie Hansen mielas lea čorgat ja hui buorre go Mikkola dál searvá sin jovkui Sámedikkis.

– Boahtá nannet Guovddášbellodaga Sámedikkis. Mikkola boahtá dál leat ollesárvvolaš miellahttun Guovddášbellodagas ja eanetlogujoavkkus (NSR,ÅaSG, JSL, GB), dadjá Cecilie Hansen preassadieđáhusastis. Sámedikki eanetlogu ovttasbargoguoimmit leat Norgga Sámiid Riikasearvi (NSR), Åarjel-Saemiej Gïelh (ÅaSG), Johttisápmelaččaid listu  (JSL) ja Guovddášbellodat (GB). 

-Almmuhus-