-Almmuhus-
MAGASIIDNAŠearbmageavaheapmi váikkuha oainnu

Šearbmageavaheapmi váikkuha oainnu

-

-

Sáhttet šaddat oaivebákčasat ja váibasat go olu geahččá šearpmaide, dat lea go čalmmit váibet.

Čalmmit váibet geahččat šearpmaide, ja de sáhttá oažžut oaivebákčasiid ja váibasiid. Jus leat rievttes čalbmeláset, de eai soaitte lihka garra váikkuhusat, čállá Brilleland čalbmelásefitnodat preassadieđáhusas.

 

Heivehuvvon čalbmelásiin ávki

Čalbmi váibá go lea nu oanehis gaska čalmmi ja šearpma gaskkas. Olbmo čalbmi lea heivehuvvon guhkás geahččat, ja šearbmageavaheapmi dahká ahte čalbmi šaddá čađat bargat.

— Eatnasat manne optihkkara lusa jus mearkkašit ahte lea heajos oaidnu. Muhto eai leat gallis geat jurddašit ahte vigut, nu go oaivebávččas sáhttá heitot oainnu geažil, ja de leat čalbmeláset čoavddus. Jus leat rievttes čalbmeláset, de eai dárbbaš čalmmit bargat lihka olu, ja eai váibba lihka jođánit. Sáhttá maid bidjat alit filtara čalbmelásiide, mii veahkeha alit čuovgga vuostá, lohká Brilleland fágahoavda Karin Lund.

 

Váldit bottuid šearbmageavaheamis

Ekspearttat rávvejit háhkat heivehuvvon čalbmelásiid, eastadan dihte vigiid mat sáhttet boahtit šearbmageavaheamis.

Lea maid ávki váldit bottuid šearbmageavaheamis, juohke 20. minuhta geahčestit eret šearpmas, ja geahččat juoga masa mii lea guhkkin eret.

Galgá maid oalle stuora gaska šearpma ja čalmmiid gaskkas, sullii 60-80 centimehtera.

 

Jus lea oaivebávččas dahje niski bávččas de sáhttet čalmmit váiban. Seamma jus lea váttis konsentreret, oainnát duppaliid, bustávat njuikot, ja njuikkut sániid badjel go logat.

-Almmuhus-