-Almmuhus-
-Almmuhus-
OĐĐASAT Seaking viežžan nissona gii báhtarii divrriin

Seaking viežžan nissona gii báhtarii divrriin

-

-

Dánskalaš nissonolmmoš dieđihuvvui láhppon Šuoššjávrri guovllus, muhto Seaking lei jođánit gávdnan su.

Ovdalgaskabeaivve bođii diehtu Finnmárkku politiijaguovllu Twitteris ahte dánskalaš nisu lei láhppon lulábeal riikkageainnu 92 Šuoššjávrris. Lei eahpedramáhtalaš dáhpáhus ja 51-jahkásaš nisu gávdnui jođánit, muitala operašuvdnajođiheaddji Bjørn Tormod Syversen.

– Nisu lei bisánan biillain parkerensadjái beatnagiin finadit olgun. Son lei báhtaran divrriin, ja de láhppui meahccái. Seaking gávnnai su sullii 3 km su biillas eret buori vuoimmis. Son ii leat oahpis guvlui. Lei áibbas eahpedramáhtalaš dáhpáhus, muitala Syversen.

- Advertisement -
-Almmuhus-