-Almmuhus-
-Almmuhus-
-Almmuhus-
OĐĐASATSea King fas gájui olbmo

Sea King fas gájui olbmo

-

-

Nisu láhppui meahccái, Vuonnabađa davábealde, go galggai veahkehit nuppi eará olbmo gii lei darvánan ATV-fievrruin.

Ikte eahkes, čieža áigge, bođii politiijaide diehtu ahte okta njealjátlot-jahkásaš nisu ii leat joavdan dohko gosa lei vuolgán, ja dieđihuvvui láhppon. Diehtu lei ahte son galggai leat Máttaváris, Vuonnabađa davábealde, Nuorta-Finnmárkkus.

 

– Mii oaččuimet dieđu goalmmát olbmos, gii lei ožžon SMS-dieđu ahte nisu lea láhppon ja sullii gosa. Mis vulggiiga ovttatmano guokte politiijabálvvá ohcat, ovttas goalmmát olbmuin Rukses ruossas, gii lei oahpis guovllus.

– Maŋŋelaš de ollii Sea King gádjunhelikopter maid. 02.09 ihkku oaččuimet dieđu ahte nisu lea gávdnon, ii ge lean eambbo galbmon go lea meahcis eahketbotta ja idjii leamaš, muitala Nuorta-Finnmárkku operašuvdnajođiheaddji, Bjørn Gunnar Johnsen.

 

Veahkehit galggai

Nisu lei vuoddján meahccái, go galggai veahkehit nuppi eará olbmo, gii lei darvánan ATV-fievrruin. Nisu ii deaivan riekta dan báikái, ja vujii boastut, ja nu maid loahpas láhppui. Báiki gos gávdnui lea sullii diimmu vuodjit ATV-fievrruin Vuonnabađas davás.

– Sea King buvttii su vulos, ja min dieđuid mielde ii lean dárbu dearvvašvuođaguovddážii su doalvut go lei dušše galbmostan, muitala Johnsen vel loahpas.

-Almmuhus-