Oaiviliskkadeamis lei čielga diehtu, álbmot sávvá ráđđehusa ain gieldit astoáigemátkiid Ruŧŧii.
Olles 73 proseantta vástidedje ahte eai áiggo ahte ráđđehus galgá rahpat astoáigemátkkoštallamiid Ruŧŧii. Dan čájeha oaiviliskkadeapmi man Opinion lea čađahan. Dušše 15 proseantta jerron olbmuin vástidedje ahte háliidit beassat mátkkoštit Ruŧŧii, ja 12 proseantta vástidii ahte sii eai dieđe.
– Dat lea čielga diehtu Norgga álbmogis, dadjá Opinion seniorráđđeaddi Ola Gaute Aas Askheim NRK dieđuid mielde.
– Das lea várra čanus Ruoŧa koronagieđahallamii. Ii oro miella vuolgit riikii gos virus lea nie leavvan, muitala Aas Askheim. Ruoŧas leat 4 562 olbmo jápmán korona dihte.
@NTB
