Dan rájes go 900 SAS-pilohta manne bargoheaitagii suoidnemánu 4.beaivvi, leat beannot duhát girdimátkki bissehuvvon. Odne deaivvadit bealit fas šiehtadallamiidda.
Gaskavahku deaivvadit SAS girdifitnodat ja pilohtat fas šiehtadallat, maŋŋel go girdit eai leat loktanan nugo galggaše juo ovcci beaivvi bargoheaitaga geažil. Soabadallanbealit deaivvadit diibmu logis, muitala šiehtadalli Jan Sjölin. Riikkasoabadalli Mats Ruland lea maid Stockholmas, ja son lohká NTB ođasdoaimmahahkii sii sávvet šiehtadalliid dál gávdnat čovdosa.
Girdianalytihkar Hans Jørgan Elnæs lohká doaivumis dili čoavdásit.
– Mun jáhkán, ja sávan, girdit leat fas áimmus dán vahkku mielde, dadjá Elnæs VG avisii.
Birrasiid 900 pilohta Norggas, Ruoŧas ja Dánmárkkus, leat váldon bargoheaitagii. Suoidnemánu 4.beaivvi rájes leat 1.493 girdimátkki mat eai leat čađahuvvon.
(©NTB)
