-Almmuhus-
-Almmuhus-
-Almmuhus-
KULTUVRASátnejođiheaddji bovde vázzinmátkái

Sátnejođiheaddji bovde vázzinmátkái

-

-

Gáivuona sátnejođiheaddji hástá olbmuid mielde vázzinmátkái Gáivuonvuovddis.

Gáivuona sátnejođiheaddji Svein Oddvar Leiros bovde suohkana ássiid mátkái sotnabeaivvi borgemánu 13. beaivvi. Vázzinmátki lea Gáivuonvuovddi eatno­máđiiráigge, ja sátnejođiheaddji hástá buot ahkásaččaid fárrui.

 

Mátki heive buohkaide
– Mii vázzit 6 kilomehtera eatnomáđiiráigge ja dát mátki heive buohkaide. Eatnomáđija lea Villy Ballovarre ja KNIK ráhkadan ja fuolahan eaktodáhtolaččat, ja dat čájeha man dehálačča eaktodáhtolaččat leat min servodahkii. Guovllus leat goavddit, ja mii dieđusge bisánit dolastit, čállá Leiros bovdehusas.
Gáivuona sátnejođiheaddji bovde báikkálaččaid jahkásaččat mátkái, dát lea oassin Ut i Nord olgoeallindoaimmas.

-Almmuhus-