Finnmárkku fylkkagielda guhkida sarvvabivddu Kárášjoga gielddas, go bivdolohku ii leat joksojuvvon.
Kárášjoga gielda lei ohcan guhkiduvvot bivddu máddodatplána Kárášjoga lulábealde, bivdoguovllut 27-65. Guovllus lea biddjon sarvvaid njeaidin mihttun 120 ealli jahkái. Čakčamánu 24. beaivvi leat 64 ealli báhččon. Dan loahppa guđa beaivvis mii lea vel dábálaš bivddus, de árvvoštalla Finnmárkku fylkkagielda unnán jáhkehahtti ahte jokset njeidinlogu dan áiggis.
Finnmárkku fylkkagielddas lea váldi guhkidit sarvvabivddu go leat nálle-, hálddašan- dahje ealáhusguoskevaš dárbbut dasa.
– Fylkkagielda oaivvilda Kárášsjoga gielda lea ohcamušas ákkastallan ahte leat erenoamáš nálle-, dahje hálddašanguoskevaš dárbbut sajis. Bivdoáiggi guhkideapmi dagaha ahte bivdomearri joksojuvvo, čállá Fylkkagieldda plána- ja kultuvrraossodat jođiheaddji Tore Gundersen ášši mearrádusas.
