-Almmuhus-
-Almmuhus-
-Almmuhus-
OĐĐASATSarvva- ja ealgabivddu fitnet lassánii

Sarvva- ja ealgabivddu fitnet lassánii

-

-

Vaikko ealgabivddu fitnet lassánii, de lei sarvvaeallibivdu mii dagai buot olahusaid bivdojagi 2017 / 2018. Leat báhčán 42 500 sarvvaelliid ja 31 600 ealgga dan áigodaga.

Lea vuosttaš geardi 1999 rájes go sarvvabivddus njeide eanet elliid go ealgabivddus, dieđiha Statistihkalaš guovddášdoaimmahat (SSB) sin neahttasiiddus.

Ealgabivddus 2017/2018 lassánii fitnet 780 báhččon elliin, muhto dattetge lea dat ollu unnit lassáneapmi go sarvvaelliidbivddus mas báhče 4800 ealli eanet go ovdal.

 

Finnmárkkus ja Romssas unnit go lulde

Dat suohkan gos buot eanemus ealggaid leat báhčán 2017/2018 bivddus, lea Steinkjer, gos leat 889 ealgga báhččon. Muđuid leat Trysil, Stjørdal, Lierne, Stor-Elvdal ja Ringsaker gos leat ollu badjel 400 ealgga báhččon guđe ge suohkanis.

SSB loguid mielde sáhttá buohtastahttit ealgabivdologuid Finnmárkkus ja Romssas.

Dá oainnát suohkaniid gos eanemus ealggaid báhče Romssas ja Finnmárkkus maŋemus bivdoáiggi 2017/2018:s, SSB loguid vuođul:

Guovdageaidnu: 66 ealgga

Kárášjohka: 166 ealgga

Porsáŋgu: 90 ealgga

Deatnu: 205 ealgga

Beardu: 180 ealgga

Málatvuopmi: 305 ealgga

Leaŋgáviika: 196 ealgga

Báhccavuotna: 116 ealgga

Divrrát: 84 ealgga

Ránáidsuolu: 53 ealgga

Skánik: 84 ealgga

 

Miehtá Norgga oažžu báhčit oktiibuot 57 200 sarvaealli ja 39 900 ealgga. Muđuid njeaidinproseanta lea 74 proseantta sarvvaelliin ja 79 proseantta ealggain.

Jagi 2016/2017 ledje 61 100 ealgabivdi, ja 47 200 sarvvaeallibivdi Norggas, dieđiha SSB.

-Almmuhus-