-Almmuhus-
-Almmuhus-
VALÁŠTALLAN Sápmi vuoittáhalai fas

Sápmi vuoittáhalai fas

-

-

FA Sápmi čievččai Cameria (Albania) vuostá Conifa Euro Cupas. Spábbačiekčan lei maŋŋebárgga, geassemánu njealját beaivvi, tiibmu 16.00 Norgga ja Ruoŧa áiggi mielde. 

 – Mii vuoittáhalaimet 4-0 birgetmeahttun Cameria vuostá. Sámi spábbačiekčit ledje váiban ja guđas sis roasmmohuvvan. Eanemus hirpmástuhtii dáid spábbačiekčamiid nuoramus spábbačiekči, 15-jahkásaš Johan Ante Eira, gii duođaid čievččai spáppa dego rávis spábbačiekči. Son ii čievččastan spáppa dohko gosa ii galgan, ja jus ii livčče dárragoahtán, de livččii nagodan čievččastit spáppa mollii, čállá FA Sámi spábbačiekčanjoavkku jođiheaddji, Håkan Kuorak, čállá FA Sámi Facebook-siiddus.

Sii geat čikče Cameria (Albania) vuostá, lei moallafákta Anton Sarri. Suodjalusas ledje: Joona Lahdenmäki, Jarkko Lahdenmäki, Rickard Ellingsen ja Jirijoonas Kanth. Gaskačiekčit ledje: John Mathis Gaup, Samuli Laitila ja Asgeir Eliasen. Falleheaddjit ledje: Johan Ante Eira, Mikael Jannok ja Stein Arne Mannsverk.

Vuossárgga árvvoštalai FA Sápmi ieš ahte jus Cameria vuostá birgejit, de lea doaivva beassat semifinálii. Muhto dál orru leamen dat vejolašvuohta mannan meattá. 

Muhto FA Sámi spábbačiekčit leat dattetge movtta ja čállet spábbačiekčangeahččit leat hirbmat bures váldán sin vuostá.

- Advertisement -
-Almmuhus-