Sápmi ealáhusgárddis lea ođđa stivrajođiheaddji maŋŋel generálačoahkkimis Leavvajogas geassemánu 17. beaivvi.
Målfrid Baik váldá badjelasas barggu maŋŋel Arvid Mathisena, gii lea leamašan stivrajođiheaddji álggu rájes, 2014:s.
– Lean movtta luohttámuša ovddas ja go jerre dan ovddasvástádusa váldit, dadjá Målfrid Baik, gii ii dárbbašan smiehtastit guktii ovdal go mieđai dasa.
– Mus lea buolli áŋgiruššan ealáhusovdáneapmái davvin, ja dál sáhtán váikkuhat ealáhusdoaimma ovdáneami ođđa rollas, dadjá Baik. Son lea Finnmárkku fylkkagieldda ovddeš ealáhushoavda, ja lea heaitimin NHO Arktisa regiovdnadirektevran.
Rune Fjellheim Kárášjogas eret lea maid válljejuvvon stivrii. Son lea dál iešheanalaš ealáhusdoalli ja illuda čuovvut barggu Sámi guovlluin Sápmi ealáhusgárddi perspektiivvas.
Earát stivrras leat Anne Kari Iversen, Porsáŋgu, Malise Porsanger, Deatnu, Klemet Erland Hætta, Guovdageaidnu ja Edgar Olsen, Unjárga.
