Dat leat muhtin dearvvašvuođadutkama bohtosat Ruoŧa bealde.
– Sápmelaččat ođđet buorebut, unnit váibasat, eai ge dovdda psyhkalaš huša seamma olu go Ruoŧa álbmot. Seammás stuorra oassi sápmelaččain snuvssejit ja maiddái dovdet iežaset loavkiduvvon, muitala Sámeradio.
Ruoŧa álbmotdearvvašvuođabearráigeahčču ja Ubmi universiteahta leat čađahan stuorra dutkama dearvvašvuođasuorggis. Bohtosat almmuhuvvojedje máŋŋebargga. Dutkamii serve 3 600 sápmelačča, geat leat gaskal 18- ja 84-jahkásaččat.