Sihke Fred Buljo ja Vegard Bjørsmo beasaiga viidáset.
Dán čavčča leat guokte sápmelačča mielde stuora gilvvuin, Fred René Buljo lea mielde “Skal vi danse” dánsungilvvus ja nuorra Vegard Bjørsmo fas lávlungilvvus “Stjernekamp”.
Goappešagat viidáset
Ievttá “Stjernekamp” sáddagis lávlo gilvaleaddjit country-šáŋŋeris. Nuorra Kárášjoga bárdni, Vegard Bjørsmo, hirpmáhuhtii dán háve maiddái duopmáriid, ja beasai viidáset gilvvuin. Sandra Lyng Haugen jienastuvvui olggos gilvvuin, muhto beasai mielde viidáset go čájehuvvui ahte lei juoga boastut jienastemiin. Boahtte lávvordaga galget lávlut opera-šáŋŋeris.
Maiddái Fred Rene Buljo ja su dánsunguoibmi Lillian Aasebø mannaba viidáset dánsungilvvus “Skal vi danse”.
