Ruoŧŧelaš Andreas Kramer časkkii maŋŋebárgga, čakčamánu gávccát beaivvi, iežas ovddeš 800 mehtera viehkanolahusa, Tsekkia gávpogis Ostravas gos lea leamaš luođovaláštallan.
Dan čállá svt.se. Ođđa olahusáigi lea 1.44,47 ja lea sekundabeale buoret go ovddit olahus. – Lea oalle buorre dovdu dál, lohká 23-jahkásaš SVT Sportii.
Andreas Kramer lea guhkit áiggi geahččalan buoridit iežas viehkanolahusa ja guhká leamaš dušše moadde čuohteoasi eret časkit iežas olahusa. Dál nagodii časkit ovddit olahusa.
– Lean dovdan dán viehkanáigodagas ahte mus lea vejolaš časkit ovddit olahusa. Go viimmat nagodin dan dahkat, de lea mus hirbmat buorre dovdu, lohká Andreas Kramer, gii bođii nubbin 800 mehter gilvvus. Brihttalaš Jake Wightman vuittii gilvvu. Andreas Kramera áhkku lea eret Guovdageainnus.
