Suoma Sámediggi válljii Tiina Sanila-Aikio ođđa ságadoallin
Suoma Sámedikkis lea odne, njukčamánu 28. beaivvi, leamaš čoahkkin gos galge válljet ođđa ságadoalli loahppajahkái ja loahppabadjái. Lei nuortalašgiela ja kultuvrra oahpaheaddji Tiina Sanila-Aikio gii válljejuvvui. Son oaččui 12 jiena, ja Yrjö Musta oaččui gávcci jiena. Dan dieđiha Yle Sápmi.
Vuosttaš ságadoallin válljejuvvui Heikki Paltto, gii oaččui 11 jiena.
Gesii evttohusa
Maŋŋel doalai čoahkkin ráđđádallanbottu, man maŋŋá Anne Nuorgam gesii evttohusas, ohcejohkalaš Ilmari Tapiola, nubbin várreságadoallin eret.
De čoahkkin válljii ovttamielalaččat nubbin várreságadoallin ja ođđa stivrra lahttun eanodatlaš luohkkáoahpaheaddji Ulla-Maarit Magga.
