Guovllu ahkeluohká árvvoštallan vuodjamis Davvi-Norggas faskii Sandra vihtta golli viđa vejolaš gollis ja beassá njuolga gilvalit Oslos gii šaddá Norgga falimus ahkeluohká vuoddji hellodatbasiid.
Guovllu ahkeluohká árvvoštallan vuodjamis lágiduvvui viđa guovllus Norggas. Leat gilvovuodjamat ahkeluohkás 11-16 mat lágiduvvojit seamma áiggi viđa guovllus. Vuoddjit galget gilvalit iežaset ahkeluohkkágilvaleaddjiid vuostá viđa gilvvus miehtá riikka.
Buot guovlluin lágiduvvo vuodjangilvu 400m friija vuodjan, 100m čeallut vuodjan, 200m njoaskut vuodjan ja 200m gávvut vuodjan ja 200m medley mii lea daid iešguđetlágan vuodjanvugiid vuodjat ovtta gaskka. Ahkeluohkás 13-16 besset 30 buoremus vuoddjit njuolga Ahkelohkáárvvoštallan Meašttirgilvui dahje ahkeluohkáid Norggameašttirgilvui, mii lágiduvvo Lambertseteris mii lea gávpotoassi Oslos hellodatbasiid.
Doppe galget gilvaleaddjit vuodjat dan seamma go Guovllu ahkeluohká árvvoštallan vuodjamis Davvi-Norggas mii lágiduvvui Borkenes báikkis Kvæfjord gielddas, olggobealde Hársttáid gávpoga njukčamánu 18.–20. beivviid 2022.
– Kárášjoga vuodjansearvi oassálasttii golmmain vuoddjiin. Sii ledje Sandra Maria Balto (15 jagi), Jonas Mortelmans Somby (15 jagi) ja Ivar Áigin Schanche Dalseng (16 jagi). Fárus lei maid hárjeheaddji Ellen Agneta Norvang ja joavkojođiheaddji Viktoria Balto, gii maid doaimmai duopmárin lávvardaga, muitala Kárášjoga vuodjansearvvi jođiheaddji Katri Somby preassadieđšhusas.
Nubbin buoremus Norggas
Sandra Maria Balto olahii Ahkeluohkámeaštttirvuoitu čakčamánu 2021:s ja fertii várjalit meašttirvuođanamahusa. 2021 čakčamánus vuittii Sandra sihke Ahkeluohkáarvvoštallama ja Ahkelohkáárvvoštallan Meašttirgilvvu viđa gilvvus njeallje gilvvu ja vuittii oktiibuot guktui vuodjamiid.
– Mannan vahkkoloahpa vuojai johtilabbot buot dan viđa gilvvus go goassege ovdal ja viđain gilvovuoittuin iežas ahkeluohkás, de vuittii son vuodjamiid oktiibuot. Nationála dásis olahii son nubbin buoremus saji Norggas.
–Sandra šaddá falibun vuodjat go son váldá vuodjama duođalaččat. Son hárjehallá hui dihtomielalaččat ja lasiha veahážiid mielde hárjehallandeattu. Son lea čuvvon biddjon plána nu mo galgá. Son lea nuorra ja aiddo álgán, lohká Kárášjoga vuodjansearvvi máŋggajagáš jođiheaddji Doris Norbye Ávvirii.
Govttolaš vuodjan gánddain
– 16-jahkásaš Ivar Áigin Schanche Dalseng beasai golbmii gorgŋet vuoitobeaŋkka ala. 200m gávvut vuodjamis olahii nuppi buoremus áiggi, 100m čeallut vuodjamis olahii goalmmát saji ja 200m medley olahii maid goalmmát saji ja olahiigoalmmát saji oktiibuot Guovllu ahkeluohká árvvoštallan vuodjamis Davvi-Norggas 2022. Jagi nuorat, Jonas Mortelmans Somby, buoridii guovtti vuodjanvuogis áiggi ja lei duđavaš dainna, muitala Kárášjoga vuodjansearvvi Katri Mortelmans Somby.
Nissonhárjeheddjiid deaivvadeapmi
Vahkkoloahpa lágiduvvui maid gaskabiebmoborran nissonhárjeheaddjiide ja Ellen Agneta Norvang ja Viktoria Balto leaigga bovdejuvvon. Oktiibuot oassálaste 57 hárjeheaddji dain deaivvadeamis dán viđa guovllus. Ulbmil deaivvademiin lea vuosttažettiin oahpásmuvvat nubbi nuppiin, nu ahte lea álkit váldit oktavuođa vuojadanáldasa ravddas, ja nu maid vejolašvuođa lonuhit vásáhusaid, cavgilemiid ja rávvagiid.
– Dáid deaivvademiin bohte olu buori jurdagat mo fierpmádat sáhtášii joatkit barggu ovdánahttit eambbo dásseárvvu vuojadaalddásaravddas, muitala Kárášjoga vuodjansearvvi jođiheaddji Katri Mortelmans Somby.
Kárášjoga vuodjanbohtosat
Gilvu 11: 400m friija vuodjat, nieiddat (riegádan 2007): 1) Sandra Maria Balto 2007 Kárášjoga VS 4.34,39
Gilvu 12. 400m friija vuodjat, gánddat (r. 2007): 8) Jonas Mortelmans Somby 2007 Kárášjoga VS 5.16,17
Gilvu 14. 400m friija vuodjat, gánddat (r. 2006): 5) Ivar Aigin Schanche Dalseng 2006 Kárášjoga VS 4.53,02
Gilvu 25. 100m čeallut vuodjat, nieiddat (r. 2007): 1) Sandra Maria Balto 2007 Kárášjoga VS 1.04,17
Gilvu 26. 100m čeallut vuodjat, gánddat (r. 2007): 6) Jonas Mortelmans Somby 2007 Kárášjoga VS 1.15,10
Gilvu 28. 100m čeallut vuodjat, gánddat (r. 2006): 3) Ivar Áigin Schanche Dalseng 2006 Kárášjoga VS 1.05,36
Gilvu 39. 200m njoaskut vuodjat, nieiddat (r. 2007): 1) Sandra Maria Balto 2007 Kárášjoga VS 2.42,92
Gilvu 40. 200m njoaskut vuodjat, gánddat (r. 2007): 10) Jonas Mortelmans Somby 2007 Kárášjoga VS 3.14,63
Gilvu 42. 200m njoaskut vuodjat, gánddat (r. 2006): 4) Ivar Áigin Schanche Dalseng 2006 Kárášjoga VS 2.46,65
Gilvu 53. 200m gávvut vuodjat, nieiddat (r. 2007): 1) Sandra Maria Balto 2007 Kárášjoga VS 2.26,50
Gilvu 54. 200m gávvut vuodjat, gánddat (r. 2007): 10) Jonas Mortelmans Somby 2007 Kárášjoga VS 2.49,71
Gilvu 56. 200m gávvut vuodjat, gánddat (r. 2006): 2) Ivar Áigin Schanche Dalseng 2006 Kárášjoga VS 2.24,75
Medley : vuodjat 4 gaskka 4 iešguđet láhkai
Gilvu 53. 200m gávvut vuodjat, nieiddat (r. 2007): 1) Sandra Maria Balto 2007 Kárášjoga VS 2.26,50
Gilvu 54. 200m gávvut vuodjat, gánddat (r. 2007): 10) Jonas Mortelmans Somby 2007 Kárášjoga VS 2.49,71
Gilvu 56. 200m gávvut vuodjat, gánddat (r. 2006): 2) Ivar Áigin Schanche Dalseng 2006 Kárášjoga VS 2.24,75
Medley : vuodjat 4 gaskka 4 iešguđet láhkai
Gilvu 67. 200m okto medley vuodjat, nieiddat (r. 2007): 1) Sandra Maria Balto 2007 Kárášjoga VS 2.23,34
Gilvu 68. 200m okto medley vuodjat, gánddat (r. 2007): 8) Jonas Mortelmans Somby 2007 Kárášjoga VS 2.42,60
Gilvu 70. 200m okto medley vuodjat, gánddat (r. 2006): 3) Ivar Áigin Schanche Dalseng 2006 Kárášjoga VS 2.23,38
