Bærumssvømmerne juniorluohká vuoddji Sandra Maria Balto vuittii golli 100 mehter čeallumis ja 4×200 mehter friijavuodjan-sáttavuoddjamis Norgga Meašttirgilvvus Bergenis duorastaga.
Norgga meašttirgilvvut vuodjamis álge ikte, skábmamánu 16. beaivvi Bergenis ja bistet gitta 19. beaivái. Gilvvut lágiduvvojit oanehis vuojadanáldásis mii lea 25. mehter guhkki.
Kárášjoga vuoddji, Sandra Maria Balto, gii 2023 geassemánu rájes vuodjagođii Bærumssvømmerne ovddas go Bærumis vázzá skuvlla, vuojai hirbmat bures. Nu bures ahte olahii silbamedálja.
100 mehter čealluma ádjánii Sandra vuodjat 1.01.11 ja vuittii golli.
4×200 mehtera friijavuodjan, ádjánedje Bærumssvømmene nieiddat 1. junior luohká sáttavuoddjit 8.25,07 ja vuite silbba. Sáttavuoddjama gollevuoiti lei Stavanger Vuodjansearvi nieiddat 1. Junior luohká nieiddat vuite golli áiggiin 8.19,04. Logut leat vižžon Norges Svømmeforbund siidduin.
