-Almmuhus-
-Almmuhus-
OĐĐASAT Sammallahti sátne­girji lea deaddi­luvvon ođđasit

Sammallahti sátne­girji lea deaddi­luvvon ođđasit

-

-

Sámedikki sámegiela doaimmahat lea ođđasit deaddilan Pekka Sammallahti Sámi-suoma-sámi sátnegirjji.

Sammallahti sátnegirji almmustuvai vuosttas gearddi 1993:s, ja dál dat deaddiluvvui 7. háve ođđasit.

Dán oktavuođas lea sáhka namalassii ođđasit deaddileamis. Sisdoallu ii leat nuppástuvvan.

Sátnegirjji ođđasit deaddileami leat máŋgasat sávvan go girji ii leat gávdnon oastit. Sámegiela doaimmahat mearridii loahppajagis deaddilit girjji ođđasit.

– Earenomážit sámeguovllu gielddaid giellastrategiijabargu lea hástalan deaddilit girjji fas. Dat lea veahkkin daidda, guđet geavahit sámegiela barggus, muhto dieđusge maid daidda geat leat oahppame sámegiela. Sávvamis dát girjemearri bistá muhtun áigge, gávnnaha Suoma Sámedikki sámegiela doaimmahagas gielladorvočálli Anne Kirste Aikio.

Leat 350 girjji deaddiluvvon dál. Nu čállá Suoma Sámediggi preassadieđáhusas. 

-Almmuhus-