Dán vahkkoloahpa čoahkkanedje birrasiid 40 olbmo Johkamohkkái ráhkkanan dihte vuosttaldit billistemiid ja luonddu gáhttema váras.
Dán vahkkoloahpa čoahkkanedje birrasiid 40 olbmo Johkamohkkái ráhkkanan dihte vuosttaldit billistemiid ja luonddu gáhttema váras.
Čoahkkimis dán vahkkoloahpa gos fáddá lei dálkkádat ja vuoiggalašvuohta lea čielga čanastat dálkkádatrievdama, ruvkeávkkástallama ja vánhurskkismeahttun olis. Sii geat ruvkkiin ávkkástallet ja billistit eai leat iežas ovdii billisteame.
– Sámis váikkuha garrasit midjiide geat orrut luonddus go dálkkádat rievdá. Lea stuora hástalus sámi kultuvrii ja eallinvuohkái, dadjá Max Mackhé preassadieđáhusas.
– Ruvkeávkkástallan lea lassin dálkkádatrievdamiidda ášši maid mii eat sáhte dohkkehit, ja mii háliidit gávdnat čovdosiid hástalusaide, lohká Mackhé gii lea mielde jođiheame čoahkkima.
Álgoálbmogat serve neahta bokte
Ruvkevuosttaldeapmi iešguđet báikkiin leat čadnon oktii. Ovdamearka dihte vuosttaldeamit Gállokas, Ojnares, Rönnbackas, Gironis, Riehpovuonas, Guovdageainnus, Ohcejogas ja Laveris movttiidahttet nubbi nuppi. Álgoálbmogat Kanadas ja Jaskesmearas serve maid čoahkkimii neahta bokte dán vahkkoloahpa.
– Mii leat máilmmiviidosaš lihkadus sosiála vuoiggalašvuhtii ja dálkkádaga vuoiggalašvuhtii. Dál mii ráhkkanit dálkkádatčoahkkimii COP21 mii lea Parisas skábmamánu loahpas ja juovlamánu álggus. Olles máilbmi boahtá čuovvut dán čoahkkima Parisas ja ovttas galgat čájehit ahte stivrejeaddjit eai áiggo ovddasvástádusa čájehit min máilbmái, nu ahte de fertet mii dahkat dan, muitala Jenni Laiti.
Ojnare suddjejuvvo
– Mii leat hui ilus dál go gulaimet dán vahkkoloahpa ahte Ojnarevuovdi Gotlándda sullos suddjejuvvo. Mii leat dál vuordime mearrádusa šaddá go ruvki Gállok-guovllus, ja nuorra sámit leat gergosat cakkadit ruvkedoaimmaid Sámis. Dat lea sivvan manne mii čoahkkaneimmet Johkamohkkis, muitala Jenni Laiti.
