Maiddái Sámis ávvudit riikkaidgaskasaš eamiálbmotbeaivvi, jus leat Kárášjogas dahje Deartnás de sáhtát searvat ávvudemiide odne.
Maiddái Sámis ávvudit riikkaidgaskasaš eamiálbmotbeaivvi, jus leat Kárášjogas dahje Deartnás de sáhtát searvat ávvudemiide odne.
Odne lea ON riikkaidgaskasaš eamiálbmotbeaivi mii čalmmustahtto miehtá máilmmi, maiddái Sámis.
Ruoŧa Sámediggi dieđiha ahte Ruoŧabeale ávvuduvvo beaivi Deartnás. Doalut álget diibmu 12:s, Mobackagårdenis, Björkvattsdalenis.
Norgga beale Sámediggi ges čalmmustahtii eamiálbmotbeaivvi Budejjus ikte, gos maiddái vuolláičálle ovttasbargošiehtadusa Budejju suohkaniin.
ON Internašunála eamiálbmotbeaivi čalmmustahtto jahkásaččat borgemánu 9. beaivvi. Dán beaivvi čájeha máilmmiservodat solidaritehta ja gudnejahttá máilmmi álgoálbmogiid.
Kárášjogas ávvudit ges beaivvi BEASSI- Kulturstašuvnnas, gos ulbmil doaluin lea ávvudit álgoálbmotoktavuođaid, NissonÁllianssaid, ráfi, rivttiid ja demokratiija.
Doalut álget diibmu 16:s ja dohko bohtet Sumitra Manandhar Gurung, Nepalas, Elisabeth Heilman Blind, Ruonáeatnamis ja Asta Mitkijá Balto, Kárášjogas eret, logaldallat dáid fáttáid birra.
